الموضوع الكامل عن الساسو جيل اول - ثان - هجين - مشعر - حر

الساسو الجيل الاول

المصدر شركة الوفاء الاسماعيليه 0 شركة ساسو الفرنسيه )

الوزن 40-42 جرام

الالوان هناك فى حدود 5 الوان وهم

الاحمر وهو السائد - البنى - بنى بشريط على الظهر - رزى - احمر فاتح

الوانه شديده زاهيه واضحه

الاحمر احمر صافى مفيش الوان متداخله - كذالك البنى

كتكوت ابن ناس - محترم ........... الخ

- رجلين الكتكوت ليست رفيعه

كمية العلف المستهلكه

4.5 ك علف محبب

المده حوالى 55-60 يوم

الوزن المستهدف 2-2.1 ك

المناعه - عاليه جداااا

النافق لا يتعدى 5 % عن تجربه فى اكثر من مزرعه

الدوره ممكن تعدى من غير حقن

سعر الكتكوت اليوم 12-8-2013 2.60 قرش

سعر ك اللحم 15 ج

*************************************************************

طيب البرنامج علشان اربى

اهو

اولا العلف

بياكل 4.5 علف محبب

بادئ

25 يوم

نامى من اليوم 26 حتى اليوم 35

ناهى

من اليوم 36 الى اخر الدوره

****************************************************
ملاحظات نخلى بالنا منها

1- الاطباق فى التحضين ال 5000 الالف هيخدو 80 طبق علف انا عارف انهم زياده بس الزياده افضل

ولما يكبرو هيخدو 100- 120 علافه بلاستيك او صاج 6 ك ( يعنى بتشيل 6 كيلو علف )

2- كل ما الفرخ يكبر نرفع العلافه من على الارض وهكذا

3- نخلى بالنا مفيش علف يقع على الارض

4- نحط العلف على مرتين او تلاته هى تعب شويه بس مش مشكله

5- كل شويه نهز العلف

6- وطبعا فى الصيف بنرفع العلافات من 9 مثلا الى 5 عصرا او لما الجو يبقى تراوه

7- فراخ سرده او او اى فرخ مصاب فى اى مشكله اعدمه وريح نفسك لان ده وباااااء لباقى العنبر

8- بتحط سطر علافات وسطر سقايات وهكذا

9- ممكن تستقبل الكتاكيت على علف اول 3 ايام وترش عليه سمسم مع حبة بركه

10- لازم نحسب استهلاك العلف كل يوم علشان نعرف حالة القطيع يعنى العلف فى زياده يبقى ماشيين كويس ثبت او اقل او الزياده قليله يبقى عندنا مشكله ولازم ناخد بالنا من لون العلف وريحته

11- لما اجى اسكن فى التحضين هيبقى كل 50 ك فى متر وكل لما العدد تحس انه زحمه اوسع لحد ما اوصل المتر 10 فرخه

ثانيا - الحراره

اول 3 ايام 34 وهنزل بعد كده لحد ما نوصل فى اليوم السابع الى 32 لاكن عاوز اقول ان دى مش قاعده يعنى ايه يعنى ممكن اهم حاجه يكون الكتكوت منتشر فى العنبر وبياكل ويشرب ممكن هذه الدرجات تزيد او تنقص درجة

الاسبوع الثانى هنبدا ب 32 وهنتهى على 30 ( من عمر 7 حتى 14 )

الاسبوع الثالث 30 وهننتهى 28 ( من عمر 15 حنى 21 )

الاسبوع الرابع من 28 وهننتهى على 26 ( من عمر 22 حتى 29 )

بعد كده نمشيها 25 او 26 او 27

اهم شئ الفرخ ميكنشى مجهد او بيلهث او لامم على بعضه

**********************************

برنامج الدواء

اول 8 سعات هنستقبل على محلول معالجة الجفاف جرام للتر +10 جرام سكر للتر + 0.5 اد3ه

اول ثلاث ايام نستقبل على انروفلوكساسين + كولستين

طيب الجرعه انا اول سقوه بحط 2 سم انروفلوكساسين ( لا يؤثر على الكلى ) وبعد ربع جرام كولستين

وبعد كده بمشيها سم انرو + ربع كولستين

العمليه مظبوطه والنافق تمام كفايه 3 ايام فى نافق كمل يوم او يومين

اليوم الخامس والسادس هنزل ب اد3ه +املاح معدنيه + ه سيلينوم كل حاجه مثلا سقوه او 8 سعات

قبل التحصينه اللى هى هتكون اليوم السابع بنزل برافع مناعه زى الامينولين

اليوم السابع هنزل بالتحصينه وياريت نحصن بدرى على الساعه 7 نكون محصنين وخلى بالكم كل المشاكل اللى بتحصل سببها التحصين يعنى تعطش جامد الكتاكيت تتجنن على الماء تدخل تغرق نفسها تيار هواء على طول تجيلك الطشمه فياريت نخلى بالنا

بعد التحصينه ممكن انزل ب ه سيلينوم وبعدها ممكن رافع مناعه اليوم التاسع والعاشر هننزل بسقوة سموم ضرورى وبعدها اى حاجه تنفسى لو فى انروفلوكساسين فاضل عندك من التحضين يبقى انزل بيه لمدة 3 ايام مع السموم بالتبادل كل واحد لوحده فى الماء يعنى محدش يقلى مع بعض

لو لاحظنا اسهال بنى ذو رائحه كريه بكثره ممكن ننزل بجرعة كولسترديا ( سامع واحد بيقول ممكن ميكنشى كولسترديا اى ياعم صح كلامك ممكن يكون اضطرابات معويه عادى يعنى فناخد بالنا قوووى )

نسيت صح فى حقن انفلونزا ونيوكسل على اليوم العاشر اللى هى اسمها الثنائى طيب نخلى بالنا من الموضوع اللى هقول عليه

معظم الناس اللى بيحقنوا معندهمش ضمير ازاى طيب يا هندسه هقلك انت اللى تشغله متسبلوش العنبر كده وخلاص بيعملو ايه يروح المعلم مجمع العنبر كله فى باكيتين والجو بيكون حر ويفضل يحقن فى 3 سعات الكتكوت اللى بيكون فى الحجازه بيكون عرقان يتحقن ويطلع فى الوسع ياخد برد علطول ونلاحظ دايما ان الطشمه غالبا بتيجى من كده

طيب نعمل ايه يا هندسه اقلك تقسم العنبر لاجزاء مثلا عندك 5000 الالف تخلى 4000 فى حجازه لوحدهم طبيعى يعنى مفيش زحمه ولا اى تاثير وحاجزه فى 500 او الف بكتييير وحجازه يرمى فيها اللى يتحقن كده انسى الطشمه

نرجع بقى للبرنامج

اليوم ال 14

قبله هندى رافع مناعه لمدة 8 سعات الصبح بدرى نحصن الجامبورو ( تحصينه غلسه وشديده ) دايما تعمل مشاكل

واحد هيقلى بنحصن ازاى هقله فى معادله وهقلهالك

لحساب كمية الماء

العدد * العمر * 2 ازاى مش فاهم

عندى 5000 احصنهم ازاى

5 * 14 * 2 = 140 لتر ماء

طيب كل الف ك ليهم امبول وربع من التحصين

طبعا قبل اى تحصينه بنعطش

بعد كده

اليوم 15 و 16 و 17

سقوه مضاد للكولسترديا

وسقوة مصاد للكوكسديا

وسقوة سموم
لو فى اى مشاكل تنفسيه هيبقى فى جرعة مضاد حيوى تنفسى

اليوم ال 18 قبله ب 8 سعات رافع مناعه وبعدين احصن الكوون

5*18*2= 180 لتر ماء وعطش قبلها ساعتين

وبعدها رافع مناعه وبعدين
بعد كده هنحصن كولون اليوم 28 و 38

بعد كده هنمشى كل اسبوع جرعة سموم + جرعة تنفسى +معوى

كل 10 ايام مضاد كولسترديا وكوكسديا

كل 12 يوم غسيل كلوى ومنشط كبد

المهم اننا نخلى بالنا بعد اليوم ال30 من الكوكسديا والكولسترديا علشان الفرخ ما يسيفش بلغة التجار يعنى يخف

فى بعض الادويه اللى جربتها واثبتت كفاءه زى

السيبرو – كولى سبرين – تراى سين – فوسباك – دوكسى – انرو – تيلوزين ده بلنسبه للمضادات الحيويه

دوكاموكس – اموكسيد الاتنين 80 % مضاد للكولسترديا

داينوكوكس – نيو كوكس – تولتراسول – دلتا زوريل مضاد للكوكسديا

Btl - سينرتوكس من مصدر موثوق مضادات السموم

رينيل غسيل كلوى

هريبانول غسيل ومنشط كبد

التحصينات ( انتر فيت او ISO )

اهم شئ فى الساسو نركز على الكولسترديا والكوكسديا مقرفين بجد

ملحوظه

كل المعلومات السابقه من واقع شغلى يعنى ممكن اى حد يختلف برنامجه عن هذا البرنامج وممكن ظروف اى دوره تحتم عليك انك تغير البرنامج خاااالص يعنى البرنامج ده مش قاعده لاكن ممكن يكون شبه ثابت

************************************************

الجيل التانى

الجيل التانى

الاول هنتكلم بنعمله ازاى

هنفترض اننا هنكون قطيع مثلا من 1000 دجاجه بياض

هناك 3 طرق

الطريقه الاولى

ذكور ساسو جيل اول ويفضل اختيار اللون الاحمر او الون البنى عن تجربه + اناث جيل تانى من مصدر موثوق به

الطريقه الثانيه

ذكور شيفر + اناث جيل ثانى

الطريقه الثالثه

ذكور ساسو جيل اول او جيل ثانى مع فراخ بياض اجنبى ( يعنى انا مجربتهاش بصراحه لاكن دى كانت نصيحه من دكتور لمربى )

هنفترض هنشتغل بالطريقه الاولى

الالف دجاجه عاوزين معاهم 100 ديك تقريبا ممكن نخليهم 110 ديك

يتم شراء عدد 1000 كتكوت عمر يوم جيل اول ويتم انتخاب ال 100 ديك فى مرحلة البيع

ال 1000 دجاجه يتم شراء عدد 3000 فرخه جيل ثانى ويتم انتخاب ال 1000 دجاجه

موضوع سهل جدا

طيب
بالنسبه للعلف

الاناث

من عمر يوم حتى 53 يوم علف مفتوح

640
320
17.5 ثنائى
12 ك بودره
4 ملح
3 بريمكس بياض
1.5 يمثونين
1ك امبرول بلس
0.5 بيو باور سموم
0.25 لينكو مكس

من عمر54 الى 133 يوم 50 جرام وكل اسبوع هنزود 5 جرام هيوصل الى 90 جرام فى البلدى و 100 فى الساسو

ودى التركيبه

638
213
110 رده
15 بودره
15.5 ثنائى
3.5 ملح
3 بريمكس
0.750 امبرول بلس
0.5 بايو باور
0.25 لينكو مكس 95 جرام - 110

من 133 الى نهاية الدوره

133
633
227
50 مركزات
9 ثنائى
10 جليتين
60 بودره
3 بريمكس
1 ك ميثونين
0.750 امبرول بلس
0.5 بايو باور
0.25 لينكو مكس 95 جرام - 110

عليقة الديوك

دى الديوك اللى بنستخدمها فى التلقيح مع الاناث الجيل الثانى

من عمر يوم حتى عمر 30 يوم

بادئ تسمين بروتين 23 %

من 31 حتى 45 يوم

ناهى تسمين 19 % ( خدو بالكم ناهى تسمين )

من عمر 46 يوم حتى 120 يوم

100 مركزات بياض
160 صويا
100 رده
540 ذره
10 ثنائى
3 بريمكس
0.5 لايسين
.5 مثونين

من 120

701 ذره
180 صويا
100 مركزات بياض
10 حجر جيرى
5 ثنائى
2 ملح
1 بريمكس
1 ميثونين

بعد كده يتم رفع الحجر الجيرى الى 35 وبينزلو من الذره

بعد كده هتدخل الديوك على 110 او 120 لان الفراخ مش هتبشر معاك قبل 140 يوم

ده بياض

*************************************************************

التسمين بقى

الجيل التانى

المصدر اكثر من شركة

الوزن 35 جرام

الالوان

1- فى حالة دخول الشيفر هيكون كله مشط واحد

2- الوان مثل الجيل الاول ولاكن الفرق ان هذة الاوان ليس صافيه بمعنى ان ممكن تلاقى احمر معه اى لون اخر بنسبة بسيطه
كما ان الالوان تحس انها باهته جداااااااااااااااا
حجم الكتكوت اقل من الاول
رجلين الكتكوت ارفع من الجيل الاول

كمية العلف المستهلكه
4.5

المده

60-65 يوم

الوزن المستهدف
1.750 -1800 جرام

المناعه كويسه

النافق انت وحظك

سعر الكتكوت 1.5-1.75 قرش

مطلوب فى البيع عن الساسو الجيل الاول لان الوانه كتييير

*********************************************************

الهجين والمشعر والحر

ده شغل مواسم بيع للتجار - تربة اعمار

1- الهجين

بيجى ازاى

ذكور ساسو جيل اول او تانى بنسبة معينه مع اناص البلدى الحر

المصدر

معامل اهليه

الوزن 25 جرام

الالوان متعدش - كتييييييييييييييييييييييييييييير وكله فى بعضه

رجليه رفيعه تزعل

ياكل كيلو علف فى 35 يوم يوصل ل 400 جرام

عمر يوم حاليا 130 قرش

سعر الكيلو 17-16

*********

المشعر

ذكور ساسو مع اناث بلدى حر بس بنسبه قليله جدا

مطلوب من السريحه بيعشقووووو - بينهم وبينه قصة حب

الوانه مفيش الوان يامعلم انسى كله فى بعضه تربيه داخليه واديلووووووو

ياكل كيلو علف يديك 350 جرام لحم على 40 يوم واكتر

سعر الكيلو 17

الكتكوت ب 1.30-1.40

****************************

البلدى الحر

ده قليل قوووى

زى المشعر فى كل حاجه الا حاجه وحده مفيش اى تهجين نهائى هو الاصل

اهم ما يميزه

يعنى لو جيلك عربيه فيها 1000 كتكوت وعاوز تعرف ده بلدى حر هتلاقى 15-20 % منه برقبه يعنى شركسى